قال الكابتن مجدي عبدالغني، عضو مجلس إدارة الاتحاد المصري لكرة القدم”أنا مش حرامي فانلات زي ما بيقولو، وازاى حرامي يسافر مع المنتخب والبعثة، وانا تحدثت امام الجميع فى الموتمر الصحفى واتكلمت والناس مش عاوزة تصدق ومش عاوزة تعرف الحقيقة، والموضوع انتهى ومكانش في موضوع أصلا”.
وأضاف خلال حواره مع الإعلامية هبة ماهر، ببرنامج “8 الصبح”، المذاع على شاشة DMC، ما يحدث الان من جانب الجماهير انها بتقبض علشان تدخل تشتم على السوشيال ميديا، خاصة العيال الصغيرة، اللى لا شافوني بلعب ولا يعرفوا عني حاجة، ولا عن تاريخي، بس عندهم تعليمات يشتموني ويهاجموني، علشان فى ناس مشغلاهم كدة، و أنا عارفهم ، وفي منهم من النادي الأهلي.
وتابع: “تعرضت لحروب كثيرة داخل النادي الأهلي، كما تعرضت لحروب كثيرة في حياتي بشكل عام، ولا أزال أتعرض لها، وبتحارب في اتحاد الكرة، وبتحارب في كل حتة، ومش فاهم السبب”.
