علق الإعلامي أسامة كمال مقدم برنامج “مساء dmc”، على أزمة فستان الفنانة رانيا يوسف قائلا:”اليومين اللى فاتوا فستان رانيا يوسف اللي النيابة حققت معاها 4 ساعات وكلام من عينة عيب وحرام، ناس محافظين الحقيقة مايرضيهمش العيب، برافو”.
واضاف:”بس مع الكلمتين الجامدين ينشر الفستان من كل الزوايا، هو مش ده اللى أنت رافضه؟ بتنشره ليه، وتخلى اللى ما بيشوفش يشوف؟ صور الفستان ده أكبر عملية شير فى أسبوع، تحت بند الرفض”.
وتابع:”حضرتك متضايق بس صور الفستان، بتنشرها لكل معارفك.. يا سلام.. ماخدتش بالك ان الستر أساس في الدين ومشاركتك في دة خطيئة ومن كان منكم بلا خطيئة فليرمها بحجر”.
واستطرد:”الشئ والعكس في نفس البوست، رعاة الفضيلة أكتر ناس نشروا اللي شايفينه خرق للفضيلة.. صديقى العزيز الكاتب محمود الكردوسى كاتب على فيس بوك فى آدان فجر النهارده: للأسف كل متر يكسبه النقاب.. قصاده ٢ متر عري.. دي مش ثقافة ولا حرية شخصية.. ده مجتمع بيعاند نفسه.. المصريين لسعوا خلاص.. لا داخلين جنة ولا نار”.
