علقت المطربة ملك نور، على تقرير الطب الشرعي الذي أكد على عدم تعرض ابنها للاغتصاب، قائلة “ده كلام فارغ، والبلد فيها فساد للركب، عندي تقرير من المستشفى والدكتور اللي شافه جراح مش دكتور تحت بير السلم، دي قضية فساد ولو عدت هتبقى أكبر قضية فساد في البلد، ومش هسكت”.
وتابعت منفعلة خلال مداخلة هاتفية مع الإعلامي وائل الإبراشي، في برنامج “العاشرة مساءا”، المُذاع علىفضائية “دريم”، أن المحضر أثبت الاعتداء بالضرب على الطفل، وكلام الطبيب صحيح وكلام ابني صحيح، وابني يتعالج إلي الآن.
وأضافت “هطلع اشهر بابني ضد مين، هو أنا اعرف مين دول، ابني هيفضل بالعار ده طول العمر وبتكلموني على الأوراق، البلد دي اتباعت بالأوراق، وفسدت الأخلاق فيها، حق ابني ربنا هيجيبه، ولو مفيش منصب في البلد دي يبقى منصفي ربنا”.
وطالبت الرئيس عبدالفتاح السيسي بالرد عليها، وأضافت “ولادك بيغتصبوا يا سيادة الرئيس، والمسئولين بيقولوا كلام كدب في كدب”.
