قال الرئيس عبد الفتاح السيسى في مداخلة هاتفية مع الإعلامي عمرو أديب، في برنامج “القاهرة اليوم الذي يذاع على أوربت” الاثنين 1 فبراير: “أنا مش زعلان من إسلام جاويش ”.
وصرح الرئيس في مداخلته “عمرى مازعلت من حد، وممكن ازعل على حالنا اللى بقى كدا”. وأضاف الرئيس “ماخدناش بالنا من تعليق أحمد شوبير عام 2004 على ظهور الالتراس، مضيفاً ” المفروض كنا ناخد بالنا منها..لكن ماخدناش بالنا”.
وأكد الرئيس عبد الفتاح السيسى، ” كل حتة في مصر بلاقى فيها أمور مش مظبوطة بس أنا مش عاوز أزعل المصريين وأخليهم يشيلوا الهم”، وأضاف “البلد كانت بتنهار فى 2011، عارفين يعنى أيه بتنهار، يعنى بقايا دولة، انتوا عايشين جواها بس مش عارفين يعنى إيه دولة بجد بكل ما تحملة الدولة..فضلت تتساب وتتساب، وبالمناسبة مش من 30 سنة عشان تكونوا عارفين..البلد دى اتسابت 50 سنة..وهذه تداعيات 50 سنة، منذ 67 حتى اليوم ..كانت أشلاء دولة في 2011، وكادت تنهار تماما لولا ستر ربنا..والآن نحاول إعادة بنائها مرة أخرى”.
