احنا شعب كده ميعجبناش العجب…
شوية حر شداد يخلونا نتقلب ناس تلعن و ناس تسب و ناس تموت من التعب…
و يا سلام لو الجو قلب و جه شوية برد شداد ناس هتسب و ناس هتلعن و ناس هتموت من التعب…
و ياعيني لو مطرت حبة ميه ناس برضه حتقول هي كده مصر بتغرق في شبر ميه
و ناس تقول فين ايام الصيف هو فيه برد كده
و ناس تقول يوم من ايام الشتا وهي قعده متكلفته
غلب حماري معاكم معرفش ايه عاجبكم بس للاسف هطر اسيبكم لان الكهربا قطعت و التكييف فصل
و لازم اخد دش ساقع او اشرب شاي سخن او حقلع هدومي كلها او افتح الشباك
انا شكلي مخي ساح من الحر او حصل له من هوا التكييف احتباس
