قرر المطرب محمد شاهين نجم ستار أكاديمي أن يبتعد مجال الفن الفترة القادمة مبرراً ذلك أنه يبذل مجهود في صدور الأغاني والحرص على أختيار الكلمات وفي الأخير المهرجانات هي التي تتصدر التريند.
وكتب محمد شاهين عبر حسابه الخاص على” فيسبوك” قائلاً:”صباح الخير ياجماعة بعد اذنكم استحملوني شوية في اللي هقولو انا بجد بكون حزين لما حد يدخل علي الخاص عندي ويكلمني يطلب مني مساعدات وفلوس ياجماعة انا عندي ظروف ربنا اللي عالم بيها بس مفيش مخلوق علي وش الأرض يعلمها”.
وتابع حديثة:”وبالنسبة لشغلي في اللايف ياجماعة في ڤيرس الأيام دي اسمه مهرجان بسبب المهرجان احنا مش ترند ونتعب ويطلع عين اللي خلفونا ونعمل اغاني وتكلفة وناخد اغاني من الكبير والصغير وفي الأخر مش بنكون ترند وعايز اقول حاجة باردو ان الحاجة النضيفة اللي بتنجح بيتصرف عليها كويس وكويس قوي قوي كمان علشان تسمع علي السوشيال ميديا الواحد جاله حالة احباط وقرف من الأخر من اللي بيشوفوا كل يوم”.
وأوضح قائلا:”علي فكرة انا فكرت اقسم بالله العظيم بجد ان ابعد فترة كبيرة ومش هيشغلني حاجة نهائي وده اللي هعملة الفترة الجاية احنا مش هنكدب علي بعضنا احنا بنعمل للقرف فعلا سعر وسعر غالي كمان يخسارة علينا مضطر ان اشوف مجال تاني علشان نعرف نكمل ونعيش كان نفسي اكتب الكلام ده من زمان واعرفكم واشارككم معايا وخلاص كويس ان عملت كدة”.
