حضرت مع كامل الاحترام والاعتزاز والفخر فاعليات منتدي شباب العالم، بدعوة كريمة، وقد بهرني الإعجاز المصري عندما يريد ان يعمل وينتج ويبتكر، الملخص شوفت الدنيا وشوفت مصر في عيون الشباب والحاضرين والمدعوين.
شفت ناس بتحب ناس، كمان شفت ناس عينها بتكره الناس، شوفت ناس بتخدم علي ناس بحب وكمان شفت ناس بتخدم علي ناس للوصول لناس وشفت ناس بتتخدم من ناس برضو بحب وشوفت ناس بتتخدم من ناس عاوزه الكناس، وشفت ناس بتوسوس في ودان ناس وشفت ناس بتضحك في عيون الناس وهي بتلعن ابو الناس وشفت ناس طالبة القرب من ناس وناس اتكلمت علي ناس وشفت ناس لمؤاخذة واطية فاكره المنصب حيعليها علي الناس وشفت صفوة ناس بتقول خير في ناس وناس ساكتة وقافلة بقها من ناس وناس سامعة إهانتها وساكتة علي الناس.
كمان شفت ناس دخلتها بتخض ناس وناس دخلتها بتفرح الناس وشفت ناس كلامها مش عاجب ناس وشفت ناس احترامها بيسكت ناس شفت ناس اجانب بيبتسمو لناس من كلمة اهلًا وشفت ناس اجانب بتقول للناس ” يا ناس انتو عندكم حضارة ناس وبلادكم بلاد الناس ”
شفت ناس بتعمل رأسها مداس علشان خاطر مصر الناس وناس عملت رأسها مداس لناس ماهياش ناس وشفت ناس بتحب مصر الناس و بتشع إيجابية لكل الناس وناس تانية جت علشان تشمت في مصر الناس ورجعت شايله خيبتها تقولها وتحكيها للناس.
شوفت وجوة الناس وهي بتبتسم وشفت ضحكت شباب الناس وهي طلعة لقلوب الناس وشوفت عيون ناس مبسوطة و شفت عيون ناس مخجولة وشفت ناس فرحانة وشفت ناس قلوبها مهجورة وناس قلوبها معمورة وشفت ناس مليانة أمل وناس مفقود منها الأمل.
شفت ناس بترفع من قيمة مصر الناس بس برضو شفت ناس تانية معرفتشي تقلل من مصر الناس، ناس جايه ببهجة و ناس جاية بفشلها تضيع البهجة وناس جاية برسائل حب وناس جاية برسائل تحريض وناس جاية تشوف حضارة مصر الناس وناس جاية علشان تقول ماتصدقوش مصر الناس.
ناس جت تبني وناس جت تحاول تهد وناس جت تعد وناس جت تسد وفشلت، طوفان من الناس كانو موجودين، ناس عارفه هي جايه ليه و برضو قلة من الناس كان موجودين برضو عارفين هما جايين ليه بس مصر الناس خليتهم فشلو في تفرقة الناس.
آخره لو الناس سمعت كلام زعيم الناس رئيس مصر الناس كانوا فهموا احتياج الناس للناس وكانوا عرفوا من كلام زعيم مصر الناس انه خايف علي كل الناس وعاوز اقل حاجة ان الناس تحترم الناس و ان ناس تاخد بالها من ناس ومن مصر الناس وتخاف علي مصر الناس وتعمل رأسها مداس بس لام الدنيا مصر الناس، زعيم الناس ورئيس الناس عايز الناس تتغير وتحب الناس و عاوز الناس اللي جوه تحب الناس اللي بره، هو عاوز مصر الناس تساعد عالم الناس و تكون مصر الناس هي أفضل مكان للناس.
مواطن مصري
م جورج عياد
