قال مرتضى منصور رئيس نادي الزمالك فى مؤتمر صحفي بنادب الزمالك:”عملنا عدد كبير جدا للبطاقات ومعندناش وقت نسلم للناس، دخول المباراة هيكون بالتذكرة فقط، بعد الماتش الجماهير تيجي تستلم الكارنيهات”.
وأضاف مرتضى متوعدًا الجماهير:” أي حد يجي يعمل تاني، كلامي واضح أي حد الشيطان بيلعب في دماغة السنين اللي فاتوا الأمر مش هيعدى بالساهل”.
وعن حضور الألتراس للمباراة قال مرتضى:” الوايت نايتس بعتلي رسايل عاوزين يتصالحوا معايا، لو عاوزين تتصالحوا تطلعوا بيان وتعتذروا للجماهير ورئيس النادي اللي كنت عاوز تقتله، تحترم مؤسسات الدولة، تحترم الأندية المنافسة ومتشتمش الأهلي ولا صالح ولا أم صالح، انسى اسم ألتراس، أنا محب نادي الزمالك، محب الأهلي، مش هتحط يافطة، لو حطيت يافطة هنفضي المدرج”.
وعن توزيع التذاكر أوضح رئيس الزمالك، أن التذاكر متوفرة من الساعة 8 صباحًا، وأنها ستُباع في النادي هيبقى فى الصالة المغطاة”.
وشكر مرتضى منصور، الإعلام الرياضى، ومجلس إدارة النادى الأهلى، ونجوم النادى السابقين، على كل الدعم المعنوى المقدم للفريق، قبل مواجهة صن داونز، يوم الأحد المقبل.
