نعى الإعلامي محمد نشأت، شهداء الشرطة المصرية في حادث”الوحات الإرهابي”، وناشد “نشأت” خلال برنامج “روق يومك” على الراديو 9090، المصريين بالدعاء من أجل شهداء الوطن
مضيفا: “ادعى لكل أب لسه مافرحش بابنه الظابط أو المجند وشافه عريس في الكوشة، ادعى كمان لكل أم مستنية ابنها الوحيد اللى بيسأل عنها وشايف مصالحها وللأسف مش هيقدر يجيلها تانى، ادعى لعروسة مستنية خطيبها يرجعلها عشان يعملها فرحها اللى حلموا بيه طول عمرهم بس للأسف العريس ده سبقها وفرحه عملته الملايكة النهاردة في السما واستقبلوه شهيد وعريس في الجنة”.
وخصص “نشأت” الحلقة عن دور المواطن العادى في هذه الحرب الشرسة التي تقودها مصر للقضاء على الإرهاب، متابعا “إحنا في أقوى وأشرف حرب عاشتها مصر على مدار التاريخ”.
