أعرب الإعلامى عمرو أديب عن سعادته البالغة بإقامة معرض للمطورين العقاريين المصريين تحت اسم “عقارات النيل”، بمدينة أبو ظبى فى الفترة من 14 إلى 16 ديسمبر بأرض المعارض الوطنية، مضيفًا: ” دلوقتى فيه إعلان اسمه مصر بتقربلك بنشوفه فى شوارع الإمارات، وأحب اشوف اسم مصر بره محطوط على تاكسيات وفى شوارع”.
وقال عمرو أديب خلال برنامج “كل يوم” على قناة ON E، “انبسطت جدا لان إخوانا فى دولة الإمارات بيجوا يبيعولنا شقة عندهم، دلوقتى إحنا بنبعلهم”.
وتابع أديب: سعر المتر فى العاصمة الإدارية زاد من 2500 الى 3500 جنيه يعنى زيادة ألف جنيه فى المتر، والعقار والأرض فى مصر “ذهب”، مشيرًا إلى انه يفضل الاستثمار فى العقار قائلا: العقار مضمون ووسيلة لتراكم الفلوس ومش سهل بيعه، ولوعندك فلوس ممكن تصرفها لكن لو عندك عقار مش ممكن تبيع الحمام او اوضة النوم ولازم تبيع كله بتاخود وقت، عندنا فى مصر العقارات بقى فيه اتقان اكتر فى البناء والتشطيب ولا زالت مصر هى أرخص الأسعار فى المنطقة”.
