أكد الإعلامي عمرو أديب أن الدولة تتابع بشكل منتظم كافة القضايا العالقة داخل مصر وخارجها، مشيرا إلى أن مصر متابعة كل حاجة برة وجوة، قائلا: «مصر واخدة بالها من سد النهضة وفى نفس الوقت متابعة موضوع كورونا والسيطرة على الفيروس».
وتابع «أديب» ، خلال برنامج «الحكاية» المذاع على قناة mbc مصر، أمس الجمعة: «مصر بتابع برضه الاحتياطي النقدي، والتجارة والصناعة وعجلة الإنتاج والوضع الأمني وتأمين الحدود» قائلا: «مصر متابعة كل حاجة حواليها وبتحصل داخلها بنفس الأهمية وبنفس القوة».
وأوضح «أديب»: «فيروس كورونا اللعين لما خبط باب مصر، أتفاجئ من اللي شافوا، شاف دولة واقفة على رجليها كويس أوي، شاف دولة بتنتج وبتاكل وبتشرب ومفيش أي حاجة ناقصة، شاف دولة عندها مخزون استراتيجي محترم يقدر يقف قصاد أي حاجة صعبة، شاف دولة قادرة تنتج وسائل الوقاية اللازمة زي الكمامات وأجهزة التنفس والكحول وبتصدر كمان».
واستطرد «أديب “قائلا: «دلوقتي الناس اللي كانت عاملة فيه أبو العريف عرفت دور الجيش، الموضوع لما وصل للوباء وبقى فيها أرواح هتروح الناس بدأت تستوعب الدور العظيم اللي بيقوم بيه الجيش وضباطه المحترمين اللي بيعشقوا تراب البلد دي».
