وأضاف الرئيس السيسي – خلال مداخلته في أولى جلسات ثاني أيام المؤتمر الوطني للشباب المقام بمحافظة أسوان- قائلا: “أنا عاوز دايما وإحنا بنتكلم على العطاء نتكلم على أن إحنا مستنيين أيه مقابل من الناس، مهم قوى أن إحنا نوضح ده للرأي العام في مصر، وأن الخدمة قدام منها مقابل.
وأستطرد “لو المقابل ده مجاش الخدمة هاتدهور وهاتنتهي، الخدمة لو ماكنش هايدفع لها المقابل الحقيقي مش الثمن المدعم ده، بنقول بشفافية ومصداقية وبوعى اللى أنت بتتكلم عليه ده تكلفته 4 مليارات دولار تقريبا دول بكام وعلشان المحطة دى تشتغل بكام علشان تقدر تشتغل طول السنة، طيب يا ترى المقابل ده هانقدر نحصل عليه ولو مقدرناش هاندفعه منين؟”.
وتابع: “ممكن قوى نتكلم على أننا من 2014 بتحرك بفاعلية لكن أمانة الكلام معاكم يا مصريين بقولكم أن الحكاية مش كده، الدولة كانت بتقدم خدمة للناس ولا تحصل على المقابل لها فكانت تتدهور، إحنا بنتكلم على مرفق السكة الحديد تقريبا يحتاج 180 مليار جنيه لإعادة تأهيله وماتقدرش تزود قيمة التذكرة، طيب هذا المرفق سيكون شكله أيه هايبقى القطار شكله عامل إزاى”، مضيفًا: “هو أنا مابغرش على بلدى والقطر شكله كده؟”، إذا لم نحصل على القدر اللى إحنا مخططينه على الأقل من المقابل ده مش هايكون لصالحنا”.
