شن الإعلامي عمرو أديب، هجومًا حادًا على الإعلامي توفيق عكاشة، عضو مجلس النواب، مؤكدًا أنه: “محدش اتدلع من الأجهزة السيادية في مصر زي توفيق عكاشة”.
وأضاف «أديب»، خلال برنامج “القاهرة اليوم”، مساء الإثنين: “هو ولا دكتور ولا حاجة وما يعرفش كلمتين إنجليزي على بعض، ويوم لما جت العيال بتوع الاخوان ياخدوه من مدينة الإنتاج، راح جهاز سيادي شفطه هو وحياة الدرديري واتحطوا في مكان آمن لمدة أسبوعين، وبالرغم من كل دا سب وزير الداخلية ورئيس الدولة ورئيس المخابرات، ولكن في كل مرة يتم التسامح معاه”.
وتابع: “زهقنا من هبل وعته وكلام توفيق عكاشة، أي عيل في 6 إبريل برقبته، لما أجهزة الدولة تبقى حلوة معاه يبقى حلو معاها، ولما تبقى ما بيسمعوش الكلام وما بيعملوش اللى عاوزه يبقى وحشين”.
وأضاف: “أنتم متخيلين إن أنا أقدر أعمل اللى عمله توفيق عكاشة أو أتكلم ربع اللى اتكمله عكاشة والبلد كلها بتصدقه، النهارده كل أصدقائه باعوه، والدولة قررت توقيف برنامجه علشان تقوله كخ يا شاطر ماينفعش تهزر معايا”.
https://www.youtube.com/watch?v=BPWRMM43ibI&list=PLC1oPwE8YI6Fdbq5qkdG1gsT6ddxXqUEr
