صحابي بيسألوني بتحب فيها ايه ؟؟؟…
و قبل ما اجاوب قالولي طب بتحبها ليه ؟
فكرت لحظه في الاجابه .. و في اللحظه دي
عدت ادام عيني سنين كتير .. وكنت حجاوب
قالولي دا حتي علمها في سواد !! والسواد ده رمز الحداد
جيت ارد ببتسامه اتعلمتها من شمسها ..
كانت اجابتهم اسرع
و قالوا بقى بجد مش عايز تهاجر و تسيب ارضها !!!
مش خايف علي ولادك .. وكرمتك عارف ايه اللي ممكن يحصلها
سكت و قلت قولوا خلصوا كل الكلام …
ردوا بكلام عن الثوره عن الشهدا عن الحدود
وعن الغاز وعن القضا وعن الفضا و البطاله وعن الزباله
والاخوان و و و و …………… وا انا قلت ها سكتوا ليه ؟
انا كمان حضيف لكم فوق كل ده ..بلاوي متلتله
من الهكسوس والاحتلال العثماني والانجليزي
والفرنسي و حتي الحرب العالميه جت عندنا
واسرائيل ياما حاولت تمص دمنا…
و اضيف لكم شوية هم فوق الهم دا
في حاجه اسمها قطر نفسها تحرق دمنا
لكن مصر حتفضل مصر مهما عملنا فيها كلنا
طب اسمعو اجابتي بقى … يا صحابي
هو انتو ليه قاعدين هنا عمالين تتكلموا
و تنقدوا و تثوروا اكإنكم مش مننا
طب انا قاعد هنا علشان انا مولود واتربيت هنا
و ابويا مات وادفن هنا
هنا مدرستي وصحابي و شارعي و جيراني
وهنا رزقي وهنا عيلتي اللي دايما سعداني
هنا تاريخي و مستقبلي و مكاني
ومليش غيرها وطن تاني
انا مش متحتح من هنا
دا مصر هي الى مستحمله من سنين
طب اخرج انا واسيبها لمين واروح لفين
مصر هي بالنسبالي بيتي الى أبد ألابدين
طب ينفع اخرج انا و رب العباد بيقول
“ادخلو مصر ان شاء الله امنين” (سوره يوسف ايه ٩٩)
