كل واحد بياخد نصيبه في الدنيا.. و شويه.. لا مفيش شويه..
رب العباد وزع النصيب بالظبط مش بالشويه..
هو اللي ادهولنا ربنا دا شويه.. بس مشكله البشر كل واحد يبص للي في ايد غيره شويه..
و يتمني يبقي عنده من اللي عنده كمان شويه..
و اللي عايز يلم من كل حاجه شويه..
و لما تقوله إحمد ربنا كفايه اللي عندك.. يقول دا شويه..
و اللي عنده كتير بيحمد ربنا و يقول.. لو كمان شويه..
و عينك هي اللي بتشوف الشويه كتير و لا شويه..
و اسمحولي أكون معاكم كل اسبوع شويه.. اكتب مقالتي ليكو و نركز علي العادات و التقاليد شويه..
و نتكلم علي العيب و الغلط و الاخلاق شويه..
مهو لو اخلاقنا زادت حيتصلح حالنا شويه..
حكتبلكم كل اسبوع و نتكلم علي كل حاجه…… شويه
