طالب رئيس مجلس النواب على عبد العال ممثل الحكومة فى البرلمان وزير شئون مجلس النواب المستشار عمر مروان تقديم تقرير تفصيلي غدا بشأن عدم حل مشكلة ارتفاع سعر الأسمدة.
توجيهات عبد العال للحكومة جاءت خلال الجلسة العامة، اليوم الاثنين، بعد ما انتقد النائب سليمان وهدان، وكيل مجلس النواب، وزير الزراعة واستصلاح الأراضى بسبب عدم حل مشكلة ارتفاع سعر الأسمدة، وترك الفلاحين يعانون مع السوق السوداء، واتهم الوزير بتجاهل الفلاحين وعدم الاستماع لمشاكلهم وحلها.
وقال وهدان: “الفلاح يستغيث، والوزير كلمته وقال هيشكل لجان، لازم يتم حل مشكلة أسعار الأسمدة وتوفيرها بسعر مناسب للفلاحين، والمشكلة مش عند الفلاح المصرى، المشكلة عند الوزير، هناك مشكلة فى التعاقد، الوزير ترك الفلاح المصرى عرضة للسماسرة والسوق السوداء، الفلاح النهاردة بيشترى الشيكارة بـ600 جنيه”.
وأضاف: ” الوزير يقول حاضر وأوامر، وأكثر من مرة كلمته عشان يخلص الموضوع ومفيش حاجة حصلت، للأسف الجمعيات موجودة، لكن وزير الزراعة ضد الزراعيين والفلاحين وضد الزراعة، وكلمت رئيس الوزراء وقولت له إن وزير الزراعة عنده مشكلة يعانى منها القطاع الأكبر من الفلاحين أكثر من 8 مليون، وجمعيات الإصلاح وشباب الخريجين، طيب بعد ما نكلم الوزير ورئيس الوزراء، نروح لمين؟، لازم رئيس الجمهورية يتدخل، الوزير للأسف لا يسمع للفلاح، والفلاح المصرى يأن، نعمل إيه فى وزير الزراعة، مش عايز يرد على التليفون، يعنى إيه هتشكل لجان، اللجان يعنى فى التلاجة يا افندم، هنعمل ايه مع حضرتك، الأسمدة موجودة وحابسها هذا القرار”.
