علق الفنان حسن يوسف على اعتزاله الفن بعد تصريحات زوجته الفنانة المعتزلة شمس البارودي، موضحًا أن وفاة ابنه الراحل عبد الله أثرت عليه بشكل كبير.
وقال حسن يوسف خلال تصريحات تلفزيونية: أنا الحمد لله بخير وكويس، وبعد وفاة ابني الغالي عبد الله أخدت القرار فورا؛ لأن الوجع اللي جوايا وجع الابن ربنا ما يكتبه على حد خلاني مقدرش أقدم أدوار اللي الناس اتعودت تشوفني فيها، وأنا لسه جوايا الوجع ده.
وأضاف حسن يوسف: مقدرش أقول غير الحمد لله، دلوقتي أنا مشغول بالقراءة ولو اتعرض عليّا عمل معنديش شرط غير إنه يكون ورق وأجر كويس إذا كان هيبقى فيه، لكن غير كده مفيش شهية للشغل، بعد وفاة ابني شفت إن التمثيل ملوش لازمة.
وأردف حسن يوسف: بشكرهم على تعاطفهم معايا وإنهم شاركوني على فقد ابني، ولحد دلوقتي بيجيلي تعازي وطول عمركم جنبي ومش مقصرين في تشجيعي وإذا كنت عملت أعمال كويسة فـ ده بفضل تشجيعكم ليّا.
مستني الدور اللي يستفزني.. عمر حسن يوسف: بيتعرض عليا أدوار لا تليق بمشواري الفني
طلاق ياسمين عبد العزيز والعوضي وشائعة زواج حسين فهمي واعتزال حسن يوسف.. نشرة الفن ليوم الثلاثاء
غرق نجل حسن يوسف
وكان الفنان الكبير حسن يوسف تلقى نبأ وفاة نجله عبد الله غرقًا في شهر يوليو الماضي، وذلك في إحدى القرى بمنطقة الساحل الشمالي، وتم نقل جثمانه لأحد مستشفيات مدينة العلمين، ولكن كان للقدر كلمة أخرى، ورحل عن عالمنا عن عمر ناهز 35 عامًا.
