تسائل المهندس جورج عياد خبير الطاقة، عضو الهيئة العليا لحزب مستقبل وطن، هو ايه اللي بيحصل ؟ هو ايه اللي وصلناله ؟
ثم استطرد ” عياد” وقال احنا ماشين زي الفل، اسألوا العالم بره مصر، افتحو المواقع الاقتصادية، افتحو مواقع السياحة في العالم، بلاش تصدق اللي جوة شوف بره بيبصلنا ازاي، احنا رجعنا نمسك بزمام الامور رجعنا نتحكم في حياتنا و بلادنا .
شوف مين بقي خايف منك و مش عايزك تكبر، سياحة رجعت أقوي من الاول، تصدير جايب اعلي دخل، قناة السويس ايراداتها زادت ٣٠٪ جيشنا واقف حامي حدودنا واركان بلادنا، سيطرنا علي ما يحدث في ليبيا مع الجيش الليبي، كما سيطرنا علي السودان مع جيش السودان، مشروع مثلث الذهب اخيرا تحقق، رمال سوداء تدر مليارات، اصبحنا ملوك في البحر المتوسط و أقوي أسطول بحري حربي في المتوسط بعد أسطول امريكا وقبل أسطول روسيا، كسبنا عقود مقاولات واعادة إعمار العراق و ليبيا و تنزانيا بالمليارات، نهر أفريقي يتم حفره ليكون بديل لنقص الماء في حالة خلافنا مع اثيوبيا، مناطق تعمرية في شرق التفريعة، حدود مصر كاملة رجعت و في أيادي القوات المسلحة وتخلصنا من قيود اتفاقية كامب ديفيد.
كل ده وحضرتك زعلان علي قصور او مدفن او او او ،انت عايز تفضل حزين وجلد الذات، ما بقاش في رضا و صبر و الأهم ما فيش حس وطني، الوطنية مش علم بيرتفع ولا أغنية بتغني، الوطنية احساس بالمسؤلية و احساس بالخطر علي بلدك وارضك وعرضك، هي مش بالحنجرة ولا بالفهلوة، بل هي بلد لازم تحبها و تعشقها مش تعيش فيها، اتقوا ربنا في بلدكم و رئيسكم و جيشكم هما دول اللي ستر و غطي عليك
