كتير بنسمع عن مصطلح التحول الرقمي .. او الـ Digital Transformation .. وقد ايه ممكن يخدم قطاعات كتيرة في البلد وخصوصا المواطن وبيحد من ظاهرة الفساد اللي بنواجهها – حسب التوجه الحالي للحكومة .
هو ببساطة .. عباره عن تحويل كل المعاملات اليدويه والورقية لمعاملات مميكنة بدون تدخل بشري .. وطبعا مؤمنة بالكامل .. Fully Secured solutions .
يعني ايه ؟
يعني بدل ما تروح مثلا مستشفي تابعة للتأمين الصحي , وتقف ف الطابور بالساعات او تضطر تدفع عشان تختصر الوقت والمجهود , وانت في بيتك تقدر تحجز اونلاين أو تشوف علاجك متوفر في اي صيدلية بمجرد ما تدخل رقمك القومي أو رقمك الطبي .
تقدر تلاقي بيناتك وتقاريرك الطبية وتطبعها من اي مكان وف اي وقت بدون اي مجهود .
تقدر ترسل تقاريرك الطبية للطبيب المعالج بمنتهي السرية .
مش بس كده
لو جينا للقضاء والمحاكم والتوكيلات الرسمية .. وهي من اكبر المعاملات اليومية اللي بتواجه تحديات صعبه من ناحية مقدم الخدمة ومتلقيها .. نلاقي مثلا ان الربط بين بيانات الأسرة ومكاتب تسوية المنازعات الأسرية ومكاتب المساعدة القانونية وبنك ناصر تضمنلك إنهاء كل الإجراءات المرتبطة بنتائج التقاضي في أسرع وقت.
المشروع بيساهم في توفير خدمات النيابة ( الولاية على النفس – الولاية على المال ) على شبكة المعلومات الدولية Internet، وبيساعد في استخراج التقارير بصورة آلية Automation بدون الرجوع إلى الدفاتر الورقية.
وحاليا بيتم تطوير بوابة موحدة للنيابة العامة هتقوم بتقديم جميع الخدمات المتاحة للجماهير، زي خدمة استخراج الصور والشهادات، ده غير تيسير إجراءات التقاضي، وتحسين دورات العمل في محاكم ونيابات شئون الأسرة، وحفظ القضايا الإلكتروني اللي هتخلينا نستغني عن الدفاتر الورقية.
ايه كمان
التعليم .. وخصوصا الايام دي في ظل الوباء العالمي .. هنلاقي التحول الرقمي مهم جدا .
ازاي
بميكنة نظم الامتحانات من خلال إتاحة بنوك الأسئلة اللي بيسهل جدا عملية وضع واسترجاع الأسئلة، وتأهيل أعضاء هيئة التدريس لإعداد الامتحانات – ده إلى جانب إتاحة بوابة إلكترونية للتدريب على الاختبارات اللي اعدت مسبقا للتدريب عليها – زي إصدار اختبارات لمراحل البكالوريوس والدراسات العليا .
المقالة الجايه .. من سلسلة تقنية ببساطه .. هشرح فيها ازاي ده بيتنفذ في البنية التحتيه وايه المشروعات الي اتعملت بالفعل في مصر .. والخدمات المتاحة النهارده .
مي عمر شعبان
خبير التحول الرقمي والحلول المتكاملة
