قالت الفنانة سمية الخشاب لـ بروباجندا، سعيدة بنجاح الاغنية الجديدة ” قلبي يا ناس”، وسعيدة برد فعل الجمهور عليها حيث كان مفاجاه اكبر من المتوقع فقد حققت نسبة مشاهدات تخطت مليون و200 ألف مشاهدة، في الأسبوع الأول من طرحها عبر موقع ” يوتيوب”.
وأضافت ” الخشاب” في تصريحها، الاغنيه تمس مشاعر كل إنسان عطاء بيسعد اللي حوالييه وبيضحي من اجل الآخرين وعندما يحتاج لشخص يقف بجانبه وقت الضيق لايجد من يسانده.
كما كشفت “الخشاب” عن أنها تنوى خلال الفترة المقبلة تقديم أغنية دويتو مع زوجها المطرب أحمد سعد، والتى تفاجأ بها جمهورها لأنها سوف تكون شكلا جديدا، وأضافت أنها تحضر الان لمسلسل تليفزيوني جديد من إخراج جميل جميل المغازي.
هذا وأغنية ” قلبى يا ناس” من كلمات هشام صادق، وألحان سوكا واختارت بها سمية الشكل الرومانسى لتعود به إلى جمهورها بعد غياب أكثر من عامين، حيث تقول كلمات الأغنية:
قلبي ياناس ..تعبان من اللي بياخدوا خيره ومايدولوش
شايل كتيررر..في حمول لناس قلوبها لا مابيرحموش
قلبي ياناس.. ده لحد امتي حيدي ومايتردلوش
باحتاج لناس ..تسندني وقت الضيقة ومايهربوش
فاتت سنين ..وانا عايشه بس أداوي في قلوب تعبانين
وانا دوري فين ..انا طالبه اعيش في أمان مع ناس طيبين
(وانا وجعي ليه مش لاقيه ليه اللي يحس بيه
ولا حد جنبي يشوفني حتي ناقصني ايه
أدي اخره اللي يشيل جروح متخصهوش
طب اروح لمين انا واعمل ايه وقت الجراح
مانا برضه انسانه وبازعل علي اللي راح
وكتير بادور علي الأمان ومابالقاهوش)
لازم افوق ..جه الوقت اشوف مصلحتي فين علشان اعيش
لازم افوق ..ماهو مين حيستحمل هموم مابتنتهيش
مليت خلاص ..من كتر ماانا بأسمع وبس ماباشتكيش
وكسبت ايه ..كل اللي باسمعهم في وجعي ماسمعونيش
طب حأعمل ايه ..بعد اللي ضاع من عمري واللي وصلت ليه
آخرتها ايه ..قلبي اللي ضحي كتير محدش خاف عليه
(وانا وجعي ليه مش لاقيه ليه اللي يحس بيه
ولاحد جنبي يشوفني حتي ناقصني ايه ……..
