نعت شبكة تلفزيون “النهار”، وفاة عادل صبحي، أحد العاملين بالقناة، والذي وافته المنية، امس الأحد، أثناء تأدية عمله.
من جانبها تقدمت أسرة برنامج “آخر النهار”، بالعزاء، لوفاة “صبحي” من خلال الشريط الإخباري الذي ظهر أثناء عرض حلقة مساء امس الأحد.
كما أوضح الإعلامي خيري رمضان، خلال الحلقة، أن “صبحي”، هو “المكوجي” الخاص بالقناة، وتوفي قبل دقائق من بدء الحلقة، حيث طلب منه المخرج تجهيز ملابس “رمضان”، فتوجه للحمام بعدها ولم يخرج منه، لافتًا إلى أن وفاته جاءت كجرس إنذار، للبشرية، بأن الإنسان عبارة عن “نفس” يأخذها الله وقتما شاء.
كما نعى الإعلامي جابر القرموطي، عادل صبحي، متقدمًا بالتعازي لذويه.
كما نعت المذيعة مي حامد ، عادل صبحي عبر صفحتها على الفيس بوك قائلة:
“عم عادل منفذ الملابس فى قناة النهار و اطيب قلب مات من شوية زعلانة اوى عليه كان بيحبنى حب مش طبيعى و بيعاملى انى ملكة و يدلعنى انا و مذيعات كتير كنا بنحبه اوى ..كلامه معلق فى ودنى و هو بيقولى انتى البدر اللى منور النهار و عروسة زى عرايس اللعب.. مكنش يرضى ابدا يخلينى اشيل الشنطة كان بيصمم هو يطلعهالى العربية و يطمن عليا و يقفلى باب العربية و يقولى خدى بالك من نفسك يا عسلية و يستنانى قدام باب القناة عشان يطمن انى مشيت ( عنده رضا و عزة نفس مكنش يرضى ياخد منى فلوس و الاقيه مرجعهالى الشنطة .. لما سافرت عمرة بس طلب منى سجادة صلاة و سبحة مع انه مسيحى) .. و كنت الاقيه مطلعلى لبس على ذوقه من شنطتى ويقولى دا هيبقى حلو عليكى و الاقيه مجهزهولى من نفسه و اسمع كلامه والبسه على الهوا عشان مكسفوش و يكويلى اى حاجة فى لبسى مكرمشة و ينضفهالى من نفسه كان حنين اوى .. ان شاء الله نتقابل فى جنات الخلد ربنا يرحم عم عادل و يغفرله و ييسر حسابه و ينور قبره يا رب 
“
