قاطع الرئيس عبدالفتاح السيسى، اللواء أركان حرب إيهاب الفار، رئيس الهيئة الهندسية للقوات المسلحة، خلال حديثه عن العمارة التى تمت إزالتها والتى تعد تشويها لكوبرى الحلمية، قائلا: “عايز أقول عن العمارة دى نقطة مهمة، هى مش بس مشوهة الكوبرى، إنت عايز تعمل حركة جانبيه تحت علشان حجم الحركة داخل هذه المنطقة لأنها مكتظة بالسكان”.
وتساءل الرئيس السيسى، خلال افتتاح عدد من المشروعات القومية اليوم: “الناس دى هتقعد فين وهتتحرك إزاى، ولو عندها عربيات هتحطها فين، كام دور، ومين اداهم الترخيص، هو مالوش ذنب، الموضوع مش فساد، الموضوع الناس مش عارفة هو مين، سواء كان رئيس حى وأنا أسف إنى بقول كده، أو محافظ”.
وأضاف: “أنا بتكلم بصفة عامة، مش على القاهرة فقط، إحنا محتاجين نتعلم نواجه مشاكلنا إزاى.. إيه ده .. أنا بجيب الصور دى.. والكلام ده أنا بشوفه لما بنزل أتمشى بالعربية أشوف الدنيا فيها إيه فى بلدنا، أنا مش بعيد عنكم، بشوف إن احنا اللى عاملين المشكلة بنفسنا، إحنا اللى ساكتين.. بتديله ليه ترخيص، وترخيص بالحجم ده ليه؟، هو ما فيش علم بيقول انك لازم تعمل حسابك على الحركة وسهولتها للناس اللى هتبقى قاطنة فى المكان ده، ولّا هى الفكرة إن إحنا منفصلين عن بعض، وستجدوا من إللى أنا بقول عليه كتير، ولسة لما ندخل قدام”.
