طالعنا احد الصحفيين الذي ينتمي لجريدة أخذت من مصر اكثر مما أعطت استفادت من ربيع عربي و حكم اخوان دمر اول ما دمر اخلاقيات كثيرة، فقد قارن هذا الفطحل في الأمور الاقتصادية بين الدخل المادي للدوري الانجليزي و هو ما يوازي دخل قناة السويس المصرية و بعض دول إفريقيا و بدأ ذي بدأ اذا أردت ان تقارن فلابد ان تقارن بين شيئان متساويان في الجوهر و مختلفان في الخاصية، الفاكهة تقارن بين فواءد و أضرار ” موز مقابل فوائد و أضرار التفاح” و لكن ان تقارن التفاح بسمك السلمون …!!! .
اسمع يا فطحل الدوري الانجليزي لكرة القدم اللي بتتكلم علية ما جاش علية ربيع عربي من كرة القدم الامريكي، الدوري الانجليزي ما اتحوطش بمخابرات من البرازيل او الأرجنتين لإفساده، الدوري الانجليزي مش مطلوب يوكل و يشرب ١٠٠ مليون بني آدم، الدوري الانجليزي ما عندوش لاعب حوثي او مدمن صومالي كل يوم بيخطف لاعب .
قناة السويس اللي حضرتك بتهمش دورها شوف كام مؤامرة من ١٩٥٢ مرورا بالعدوان الثلاثي و النكسة و الاستنزاف و حرب أكتوبر و بعد ذالك إعمار مصر .
اذا كنت تريد ان تزايد علي دور قناة السويس أتكلم علي شعب هو اللي مش بيشتغل زي القائمين علي الدوري الانجليزي، أتكلم عن مصريين بيديرو منظومة كرة القدم المصرية من استغلال و تربح و تجسس علي الاخر و اهدار مال عام و كل ده عندك من بعض الصحفيين الذين يَرَوْن ذالك من قوط او مصدر لرزق بعضه في صورة ابتزاز لأنهم في أوقات يمتنعون عن إظهار فضائح ما يسمي باتحاد الكرة و الأندية اللتي بها من إساءات و شتائم و اضطهاد ديني و كله في مقابل سفرية جميلة و عشوة سمك محترمة .
عندما تريد ان تقارن في اقتصاديات اي مشروع فلابد ان تذاكر اركان المشروع .
مع ذالك خد يا عم الفطحل، الدوري الانجليزي يعتمد علي رعاة رسميون اغلبهم هم صناع خمور، الدوري الإنجليزي يعتمد علي رعاة كبار في مجال القمار، ايوة زي حضرتك ما قريت، ” القمار”، اكتب بكرة او اطلب من جريدتك و من القسم الرياضي ادخال القمار الي مصر في مجال الكرة و الفروسية و البوكر .
القمار يرتبط بالخمور و الخمور ترتبط بالدعارة، اعرف و اعلم علم اليقين عن ان حضرتك رجل متدين و تميل الي ذالك و الا لم يكن عندك و عند رئيسك مانع من التعامل مع الاخوان في السنة السواد اللي حكمو فيها مصر .
مرة تعرض الدوري الانجليزي الي شغب مشجعيه دي مشجعين دول اوروبيه اخري مما ادي الي انهيار الاقتصاد اللي حضرتك فخور بيه، الدوري الانجليزي و عاصمة بريطانيا قامت و ماقعدتش لمجرد ان قام سائق بالاقتراب من البرلمان و مرة اخري شاب ذهب بسلاح ابيض ام معاليك فا البيعيد ما بتحسسش بالارهاب اللي طايل مصر كلها و عايشين و بنتعايش و بنتقدم و بنبني واقتصادنا في الطالع و الحمدالله .
يا فطحل مجرد التفكير لخروج بريطانيا من الاتحاد الاوروبي فا سوف ينخفض اقتصاد الدوري الانجليزي من ٢٠٪ الي ٣٠٪ و بعض الدراسات الي ٤٠٪ و سوف يتم تعديل القوانين المنظمة .
اجري حضرتك اقرأ في تاريخ بلدك تعرف اننا شعب زكي و عين حورس ( عين الاله ) هي عين من البصيرة في مخ المصريين بس مش اللي زي معاليك اللي بهد و بيوزع السم جوا مقال صحفي و تدعو الي حالة ياس .
روح اشتغل في بلد تدعو الي القمار والدعارة و الشواذ هي دي الحاجات اللي فعلا بتجيب فلوس اكثر من قارة افريقيا كلها .
و سلملي علي صاحبك اللي كل يوم و التاني قاعد في بار فندق شهير .
مواطن مصري
جورج عياد
