الفيس بوك اللي تاعب الكل وشاغل وقت الجميع واحده عامله اكونت باسم مستعار وطبعاً عشان احنا كلنا لو سلمنا على البواب هتلاقيه طلعلك صورته هل تعرف فلان وده اللي حصل فاتحه الفيس بوك لقيت جوزها باعت لها أدد اللي هى اصلا كاتبه عليه اسم مستعار وهو ميعرفوش، قبلت الاضافة واصبح زوجها حبيبها صديق قام أبوا العيال قعد يتكلم معاها على الخاص ويحكى عن نفسه انه ابوالسباع
وبينها وبين نفسها بتقول : أنت وقعت وللا الهوى رماك ؟؟ تعالى يا حلو .. أيامك مش فايته وعامل فيها مشغول طول الليل .. جت فرصتي لحد عندي أني أخد حقي منك وبدأ يتعرف ويتكلم ويحكي .. هزار وضحك ليل ونهار وهى هزرت جوزها وحبيبها بقى وبراحتها غازلها اتقبلت غزلوا …كل يوم يبعتلها نكت و صور وقلوووب ودباديب ويفتح مواضيع وحكايات معاها وطبعا هو مفكر المودام نايمة تدخل المكتب عليه بتعمل أيه يا حبيبي مشغول ياروحى وهو يرد بأقتضاب طبعا بشتغل يا روحي عندى شغل كتير أوى … أه يانصاب بدأت هى نفسها مشغولة بالمطبخ أكتر وقت ممكن و هو مبسوط طبعا من انشغالها اهو تتلهى عنه وهى طبعا كل شويه تدخل تكلمه من جوه من المطبخ وهو عايش اللحظه وعايش في السحاب ماهو بيحب جديد ومعيشها هى كمان في السما السابعه وطبعا البيه في البيت منكد عيشتها و مطلع عينها وضارب بوز … وعلى الفيس ناااااعم ولذيذ أوى وأيه مشاعر عالية..
بعد فتره طويله من التعارف طلب يشوف صورتها راحت بعتا له صورة واحده من على الفيس بوك صاحبتها هو ما يعرفهاش بنت جامدة آخر حاجة، طار عقلوا زى المجنون مع أن مراته وبشهادتى انا شخصياً ملكة جمال آه والله ملكة جمال بس تقولوا أيه طفس
وطبعاً مراته بتغلى والنار مولعه فيها لكن تعمل أيه ماسكه نفسها وقالت بينها وبين نفسها لك يوم يا ظالم وسألها أنتي مرتبطة؟؟ قلتله لأ يا حبيبي طبعا .. انت خلاص بقيت دنيتى وحياتى وثبتته تثبيت السنين وعايشته في الحب والهيام، قالها ايه بقا طيب تتجوزيني ؟؟؟؟ الست اتصدمت وقالت في نفسها يا لهوى طب أنا اجيلك من المطبخ دلوقتى اعمل معاك الجولاشة ..بس رجعت قالت لأ ..بكره تندم يا ابو العيال وتدفع التمن غالى قلتلو بس أنت متجوز !!! وهتعمل ده ازاي .. وزوجتك أكيد هتزعل …
والمفاجأة قال لها أيه بقا بالله عليكى ياحبيبتي ما تجيبي سيرتها … هي وحدة مقرفة نكدية وريحتها بصل .. ومهمله في بيتها ونفسها وصوتها عالى ومش مهتمه بي خالص هههههههههههه شوفوا الراجل المفترى اللي قاعد اما في الشغل او على النت
قلتلوا ماشي ..بس هتيجي تخطبنى من بابا وعاوزه طقم دهب النوع الفلانى …غالى جدا جدا … هههههههههههه طبعاً قالت هيخلع وهيهمد … ويدخل ينام بقى ويهدي … المفأجأة …قالها عيونى ياحبيبتي وحاضر يخربيت هبلك ده حتى ماشافهاش مجرد عالم افتراضي عرفت منه واحده بسرعه كده هتتجوزها وتدفع اللي معاك عشان تجيب لها طقم دهب وانت منشفها عليهم في البيت ولو طلبت منك فستان تقولها مفيش طيب استنى بقا ان كيدهن عظيم.
وراح اشترى الطقم الدهب وطلب منها العنوان عشان يقابل أهلها، قالتلوا انتبه وخد بالك .. لتكون مراتك النقاقة النكدية تشوفك أو تشوف الدهب تبوظ لينا الموضوع. .. قلها لا مش تخافي وانا طبعاً مخبيه وحطيتوا فى درج مكتبي وقافل عليه والمفتاح فى النيش ومش بتفتح النيش أبداً أهو ده عيبكم ياستات لو بتخرجى ا طقم السفره والكاسات من النيش كنتم اكتشفتوا بلاوى .. ماعلينا قالت يا ابن الحريصههههههههههههه … و قعت بقاااا ادلع عليه … بيبي بيبي وحبيبي وروحي طبعا مش عيب لأنه في الحقيقة جوزها .. وقلتله انت فعلا حبتنى ؟؟؟ علشان شكلى ولا أيه اللي عجبك فيا استغرب كده وانتفض وقال ..طبعا .. لا ? … روحك الحلوة و دلعك و خفة دمك شدوني ليكى .. أما الشكل ده أخر شئ بفكرفيه … قلتلو طمنتني، علشان كده انا هبعتلك صورتي الحقيقية … قالها يعني أنت مش حلوة ؟؟؟ والصورة مش صورتك ؟؟؟ قالت له لاء طبعاً أناحلوة مش تخاف ثوانى بقى … جمد قلبك شويه قال مفيش مشكلة خلاص ..أبعتيلي صورتك الحقيقية وقامت بعتتلو صورة أمه ..حماتها الغالية…………هههههههههههه …………..
بيبي… بيبي ..حبيبي …حياتي … رحت فين ؟؟؟ .. وطلعت له الصاله بطقم الدهب الجديد .. الحلو جتله غيبوبة سكر و قضى ليلة بالعناية المركزة وقضى أسبوع فاقد النطق هههههههههههه
ودا جزاء اللى يمشي ورا هواه ويصدق العالم الافتراضي على الفيس بوك بس بصراحة بتقولى انا عشت معاه اجمل شهرين في حياتي اسلوبه كان حلو خالص في الكلام معايا….. يلا … الله يرحمه بقي كان أمير الفاتحه على روحه الطاهره.
