أعرب الفنان إدوارد، عن غضبه الشديد من البيان الذي نشره الفنان وليد فواز، عبر صفحاته الشخصية بمواقع التواصل الاجتماعي، ويتضمن تفاصيل طلاقه من الفنانة مي سليم.
وقال إدوارد في برنامجه الذي يقدمه على فضائية «اليوم»: «أنا بصراحة مش فاهم يعني إيه يطلع بيان ده أولًا.. ثانيًا يا ابني ياحبيبي دي كانت مراتك حتى لو كنتم متجوزين يوم مينفعش تطلع تتكلم عليها بالشكل ده عيب.. أنا نفسي أعرف انت عاوز تعمل إيه؟.. يعني انت عاوز تشتهر على قفاها؟».
وأضاف إدوارد قائلًا: «كل الناس مستاءة من كلامك، وهل تفتكر إن في يوم من الأيام ممكن واحدة تثق أساسًا وترتبط بيك.. إزاي تتكلم على واحدة كانت مراتك بالشكل ده ماتسكت خالص.. عيب انت راجل والراجل مايتكلمش على واحدة ست مهما كان بينهم إيه.. حصل خلاف وتركتم بعض خلصنا مش محتاج كلام إيه متخلنيش أقول».
