افتتح الإعلامي أسامة كمال مقدم برنامج “مساء dmc”، مقدمة حلقة الجمعة، بالحديث عن القمامة وشخصية الإنسان المصري التي تغيرت بشكل ملحوظ قائلا:”إحنا المصرى ما بقناش واضحين مع نفسنا”.
قال الإعلامي أسامة كمال:”أمي الله يرحمها كانت مندهشة من حالة التآلف بين الناس والعربيات في الشارع، ازاي ماشيين في وسط العربيات والعربيات ماشية في وسطنا ومش زعلانين من بعض”.
وأضاف كمال في مقدمة حلقته التي اختصها بالحديث عن تغير الإنسان المصري وانتشار القمامة:”دلوقتي بقينا متصالحين مع الزبالة وعايشين معاها في سعادة وهناء، والله أعلم بكرة هنتألف مع إيه بعد الزبالة والمباني العشوائية اللي على الطوب الأحمر والصرف الصحي وغيره وراضيين ومبسوطين أو حتى زعلانين”.
وأستطرد:”كلنا بننشر الزبالة في الشوارع، رغم ان الزبالة هي زبالتنا احنا، والحكومات المتعاقبة فشلت في مواجهتها، لكن السؤال مين مضرور من الزبالة الحكومة واللا احنا؟.. أكيد احنا”.
وتابع :”لو دكتور الاسنان قال انه مسافر وضرسك موجوع، لازم تشوف طريقة، لكن في كوضوع واجعك كلك، كان لازم يحلها الشخص وجيرانه، لأن مفيش نظام مجتمعي بي الناس وبعضها”.
وأردف:”قرأت موضوع في الجمهورية من 60 سنة يتحدث عن الزبالة، يعني من 60 سنة مش عارفين نحل المشكلة، وفلعا يوم الحكومة بسنة لكن يومنا احنا بـ 500 سنة”.
