تحدث الإعلامي أحمد يونس في برنامجه «عمارة الحج رمضان» على راديو «9090» عن أغنية «أهو جيه يا ولاد”، وتحديدًا الجزء الخاص بـ«أدونا العادة الله خليكو».
وقال يونس: “إدونا العادة، كنا بنسمعها لكن عمرك ما فكرت إيه هي العادة، موضحاً أن رمضان في مصر له تقاليده، والأطفال كل يوم في رمضان كانوا بيتجمعوا ويخدوا الفوانيس وينزلوا يلعبوا بيها مع بعض”.
وتابع: “والفوانيس كانت من الصفيح وفيها شمعة، ولما الشمعة كانت تخلص كانوا الأولاد بيروحوا للناس ويقولولهم ادونا العادة الله خليكوا، وكان فيه اللى بيديهم حلويات أو المكسرات أو القرش أو المليم عشان يجيبوا الشمعة”.
وأضاف الإذاعى: “معظم الأغانى اتخدت من التراث الشعبى، اتخدت من الكلام اللى الأطفال كانوا بيقولوا زى حل الكيس وادينا بقشيش”.
