طالبت سمية الخشاب، بضرورة تعليم الشباب الصغار الذين يتحرشون بالفتيات دون إدراك منهم لمعنى التحرش، وذلك قبل معاقبتهم.
وقالت سمية فى فيديو نشرته عبر حسابها بـ”إنستجرام”: “الولاد الصغيرين اللى بيتحرشوا بالبنات وهما مش فاهمين، ما هو الوعى والفهم والإدراك، الولد من دول لو اتربى بشكل كويس، ولقى حد فى البيت يفهمه إيه الصح وإيه الغلط وإيه اللى عيب وإيه الحرام ولازم تحترم بنات الناس ومينفعش تعمل كدا وينفع تعمل كدا يبقى أكيد مش هيغلط”.
وتابعت سمية الخشاب: “قبل ما نعاقبهم نعلمهم ولازم يتحطوا فى مراكز تعلمهم الإدراك والوعى وبعد كدا نعاقبهم، لما يفهم ويتعلم بعد كدا لو عمل حاجة تانى هيتعاقب قانونا، بس لما يبقوا ولاد صغيرين ومحدش علمهم يبقى محتاجين مدارس للتأهيل”.
