مصر .. بالنسبه لي .. عندها ٧٠٠٠ سنه حضاره .. و يوم ….
ايوه يوم …
اكيد عرفتو اليوم .. اليوم اللي طلع فيه الناس من جوه البيوت
ونزلوا الشوارع بالملايين … ومش خايفه تموت
يوم اللي إتكسر جوانا كلمه خوف يوم ما طلبنا بحقنا بصوت الشباب
يوم ما اختفي من الشوارع كل الكلاب
يوم ما حطينا ايدنا في ايد بعض و قلنا ارحل …
لما وقفوا الشباب بجد في وش الطوفان لا في مدرعه خوفتهم .. و لا دخان
وكله كان في الشارع .. الا الجبان يوم ما ناس ضحت بنفسها علشان نعيش
كان نفسهم الغلابه ينسوا كلمه … انا عايز …. او مفيش …
ويوم موقفنا في الشوارع بالليل … نحمي البيوت …
و كان شعارنا ساعتها معلنينه … اللي يفوت يموت .
مرت عليا في حياتي ايام كتير و رغم اني حافظ التاريخ
لكن بحب اليوم الاخير … خمسه و عشرين يناير …
غيرت فينا كتير و احنا من بعد اليوم ده بنحاول و حنحاول نعمل كتير
وان شاء الله حننجح .. لان مصر تستاهل يشتغل ليها “الصغير و الكبير”
