شويّة دردشة

“سعدنا بيها ” .. بقلم جهاد جمال

 

10698501_10206248888474667_3744156888673099654_n

جيل التمنينات و التسعينات زمان لما كنا كلنا بنتلم ونقعد في البيت الكبير ، كنا كلنا بنقعد نهزر من الصبح لحد بليل نطنط علي السرير ،كنا بنام من كتر اللعب والضحك اللي من القلب ، ونصحي لتاني يوم عشان نصلي العيد الصبح ، كنا بنقضيها ازازه و ترمس ووقصب و لب ، ونلعب مع الخروف و نرقص علي اغنية “سعد نبيها” الي هوو لحد قريب كان شخص مجهول لينا لحد ما فهمنا انه .. آه نفرح بيها يعني “سعدنا بيها “

يا ليله العيد فاكرتينا باياااام جميلة وفجائه قولت اكلم اصحابي و اعيد معاهم و افرح لقيت نكد .. خير يا ام إسماعيل خير يا ابو فتحي الكل فاتح بوقه ورافع حواجبه .. كل دا عشان سألت ايه الفرق بين العيد زمان و العيد دلوقتي ؟؟ وناخد اول راي و نقول ـ الووووو يا نهي قوليلي رائيك ـ مفيش عيلة مفيش لمه مفيش فرحه ( مفيش داعي ياا نهاري اقفلي يا حزينه ) ـ الو اذيك يا أحمد أخبار العيد ـ أحمد : هو فين العيد دااا ؟ زمان اه كنا بنلبس ساعه و نضاره بلاستك و كنا مبسوطين دلوقتي نروح القهوه و ممكن نصلي ( ممكن .. ليه بس كده يا أحمد أنزل بقي يا احمد اطلع بره يا أحمد ) ـ الو ايه خوخاا ايه رائيك في العيد زمان ولا دلوقتي ـ الوو خوخا .. خوخا نامت و فجاءه طب عايزه ايه ؟ (انا و ربنا مش عايزه حاجه )

المهم كان رائيها ان مكنش فيه تكنولوجيا زمان و كنا بنتعب عشان نفرح ) أصل الموضوع ناقص تعب اقفلي انا اللي غلطانه ـ الو اذيك يا لولو ايه رائيك في موضوع العيد دا ـ “دحلاب دحلاب .. عشان كدا لما بنكبر مبنحسش بيه ” ( تييييييت .. تييييت سلام يا علا )

اسلام انت بقي الي هتفرحني قال ببساطه .. اوبا .. ايوه قال ان احنا مكناش متكيفين زي دلوقتي ، سوري متكلفين متكلفين يا جماعه

الووو يا ساره يا حبيبتي انتي الي هتغيري اللي mood ـ يا جهااااد في فرق كبير بين العيد زمان و دلوقتي و بقت بتوجع القلب ( انا و بدون ما اشعر طب اقفل في وشها ولا ايه في يوم زي دا .. ايوه يا ساره مالك ؟

أصل البومب و الصواريخ بقت مغشوشة .. حتب البومب يا جماعه ..  بجد راي منعم بقي المختصر لما قالي “العيد مبيتغيرش احنا اللي بنتغير ” الراي ال قمت بوست راس حد هو راي “آمي ” قالت انتو جيل مظلوم ، جيل مغلق علي نفسه جيل فاقد الاحساس و احنا عندنا كل سبل الفرحه الي مكانتش عندهم و كانو فرحانين “

اخر كلمة يا ريت كلنا نحب بعض و نتمني الخير لبعض و نتمسك ببعض اكتر و نقول لبعض اكتر ان احنا بنحب بعض متخافووووش ، متتكسفوش كل عام وانتم بخير و عيد سعيد 

جهاد جمال

 

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
Secured By miniOrange